Twitter á Íslandi

Rupal Parekh ( @rupalparekh ) hjá AdvertisingAge birti áhugaverða grein á bloggi AdAge fyrir stuttu. Þar tekur hún fyrir fyrirtæki sem eru ráðgjafar í rafrænni markaðssetningu en standa sig illa sjálf í sinni rafrænu markaðssetningu. Greinin dregur full dökka mynd af bransanum en það eru nokkur mjög góð tíst frá auglýsinga- og ráðgjafastofum og mjög mikið af frábærum tístum frá starfsfólki stofanna. Ratsjá (@ratsja) er búin að tísta í að verða ár og tveir starfsmenn stofunnar enn lengur @bardur og @benediktrafn. Ratsjár tístinu er haldið uppi af @bardur og @benediktrafn og á að vera á faglegum nótum og að mestu um markaðsmál og birtingar þó svo að auðvitað sé það oft mun persónulegra en bloggið.  Markaðssvæði Ratsjár er nær eingöngu Ísland og því er tístið á íslensku. Okkar persónulegu tíst eru svo mun fjölbreyttari og persónulegri og að miklu leiti á ensku, við bökkum svo upp Ratsjár tístið með okkar tístum.

Ratsjá hefur notað Twitter með góðum árangri í markaðsstarfi og má þar líklega fyrst nefna @hannerkominn sem var teaser fyrir Polar Beer og líklega fyrsta markaðsaðgerðin á Íslandi sem nýtti Twitter. Því miður sér Ratsjá ekki lengur um það vörumerki og virðist öll rafræn markaðssetning horfin eftir það. Ratsjá var einnig í ráðgjafavinnu fyrir Framsókn í kosningunum og er Framsókn enn þann dag í dag lang virkasta pólitíska aflið á Twitter ( @framsokn ). Eymundsson hefur einnig komið sér upp nokkuð virkum twitter account með ágætis árangri (@eymundsson). Það eru klárlega mikil tækifæri fyrir smásala að nýta sér twitter bæði til að byggja upp persónulegt brand en einnig til að nýta ser mjög hraðvirkan og ódýran sölukanal, eitt besta dæmið um þessháttar vinnu er líklega @delloutlet sem hefur skilað Dell gríðarlega jákvæðri niðurstöðu.

Við hjá Ratsjá fylgjumst með ansi mörgum erlendum tístum sem tengjast auglýsingastofum, birtingahúsum og markaðsráðgjöfum má þar nefna t.d. @ogilvy , @razorfish, @agencypaj , @McCann_NY og @BBHLabs. Til viðbótar fylgjumst við mjög mörgum persónulegum tístum um sama málefni.

Á Íslandi er að finna fjölmörg dæmi um léleg tíst en hér er þó einnig að finna mikinn fjölda frábærra tístara. Twitter senan á Íslandi er enn svolítið tækni-nördaleg, mikið af fólki sem vinnur í upplýsingatækni. Nokkur góð dæmi og vert að fylgja eru: @hjalli , @gommit, @rosastef, @andresjons, @frostis , @jonsval , @allimetall og @netgaur . Nokkur fyrirtæki og félagasamtök eru einnig með áhugaverð tíst t.d. @raduneytid , @graenland, @takktakk, @gogoyogo , @gogogic , @datamarket , @icelandexpress og @icelandair (Ath. ágætis lista á síðu Andrésar Jóns almannatengils ). Innsk 8.jul @icelanders eru að kanna hve stór twitterhópurinn er á Íslandi og skv. kynningu á #RVKTweetup er hópurinn nú rúmlega 1.500 þó svo að aðeins um 500 séu virkir (Sjá kynningu á QIK).

Læt hér fylgja með samantekt Rupal Parekh á mikilvægustu punktum þegar fyrirtæki ákveða að byrja að tísta, hvort sem við erum sammála þeim eða ekki:

Thinking of Tweeting? There’s no silver bullet when it comes to Twitter, but here is some common-sense logic agencies should apply to their strategies.

Don’t over-promote. Of course you want to use Twitter to build your agency’s brand, but don’t hit people over the head with a litany of press releases. Be human. Attach a personality — a name, a photo — to your Twitter feed and balance promoting your brand with some personal updates so followers can get a sense of your company culture. Remember, Twitter is public! A client probably won’t appreciate your tweeting “Ouch, got a nasty hangover” when you’re late to the meeting. Keep clients looped. Be sure to share your agency’s Twitter strategy with your clients. Get permission if you want to mention one by name, and don’t forget that a lot of your work is proprietary. Don’t let a careless misstep to cost you the relationship. Listen. Know what people are saying about you on Twitter. Use search.twitter.com or an application such as TweetDeck to monitor the chatter. Respond. The point of being on Twitter is to engage with people who know your agency, as well as those who don’t and want to learn more about you. If followers comment on your feed or send you direct messages, get back to them promptly. Remember, it’s a conversation. Keep expectations in check. A Twitter strategy does not make your agency “social.” Try out tools internally to share knowledge, exchange ideas and — best yet — encourage learning that you can pass along to clients. Identify impersonators. Accounts purporting to be someone or something they’re not violate Twitter’s terms of service. So if someone’s got their paws on yours, let Twitter know. – Rupal Parekh

Kominn tími á gymmið?

Auglýsendur leita ýmissa leiða til þess að vekja athygli á sér og sinni vöru / þjónustu. Auglýsingastofan N=5 í Amsterdam fékk það verkefni að búa til auglýsingar fyrir keðju líkamsræktarstöðva í Hollandi, Fitness First. N=5 fékk fékk þessa hugmynd:

Setan í strætóskýlinu er vikt sem tengd er við auglýsingaskiltið sem svo sýnir öllum í nágrenni skýlisins hversu mikið hlass aumingja manneskjan sem á setunni situr er. Þetta á auðvitað að vekja sektarkennd hjá sitjandanum yfir öllu nammiátinu og hreyfingarleysinu og fyrir vikið hleypur fórnarlambið rakleitt í næsta Fitness First og kaupir sér árskort.

Þessi aðferð hefur þó örugglega vakið athygli fleirri en bara þeirra sem setjast á viktina.

Samfélagsmiðlar og kreppan

Mörg fyrirtæki hafa neyðst til þess draga úr umsvifum sínum á auglýsingamarkaði hér á landi að undanförnu og þarf engan að undra það. Svipaða sögu er að segja af auglýsingamarkaði í Bandaríkjunum þar sem efnahagur landsins er í mestu lægð í áratugi eins og svo víða annars staðar. Kreppan bitnar þó ekki á öllum miðlum því rannsóknir sýna að 53% fyrirtækja ætla að auka hlut samfélagsvefja í markaðsáætlunum sínum og 42% ætla ekki að minnka auglýsingafé til þess sama.
Því ætla 95% bandarískra fyrirtækja að auka við auglýsingar á samfélagsvefjum  í yfirstandandi kreppu eða ráðstafa sömu upphæð. Ástæðurnar eru ýmsar, meðal annars þær að samfélagsvefir njóta mikilla vinsælda, auðvelt er að nálgast fyrirfram skilgreinda markhópa og auglýsingar á þessum vefjum eru yfirleit ódýrar. Því til staðfestingar má benda á að þrír af hverjum fjórum bandarískum auglýsendum eyddu lægri upphæð en $100.000 í auglýsingar á samfélagsvefjum á síðasta ári.

Sjá nánar hér.

Twitter á TED

Evan Williams CEO hjá IDEO með skemmtilegan fyrirlestur um Twitter. Við hjá Ratsjá erum mjög hrifin af Twitter en líka af góðum glærum, þetta sameinar það tvennt!

more about " Twitter á TED", posted with vodpod

Ratsjá

Ratsjá auglýsir nú á forsíðu já.is.  Tilgangurinn er fyrst og fremst sá að bjóða þjónustu fyrirtækisins til einstaklinga og fyrirtækja sem ekki hafa áður nýtt sér þjónustu birtingafyrirtækis en einnig sá að kynnast nýjum vef af eigin raun. Ratsjá sérhæfir sig í ráðgjöf við gerð og birtingu auglýsinga. Til þess notar fyrirtækið hefðbundnar nálganir birtingarhúsa og styðst m.a. við gögn úr rafrænum mælingum Capacent á ljósvakamiðlum. Ratsjá leggjur mikla áherslu á þáttöku ráðgjafa í ákvörðunarferlinu frá fyrstu skrefum til loka verkefna auk þess sem við lítum á nýsköpun í þjónustu sem skyldu. Undanfarið ár hefur Ratsjá lagt mikinn metnað í vefbirtingar og árangursmælingar tengdum þeim. Fyrirtæki virðast vera að færa stærri hluta af sínu markaðsfé á vef auk þess sem nýir miðlar eru í boði. Seinasta ár var klárlega ár samfélagsvefja með Facebook í fararbroddi, Ratsjá hefur náð mjög góðum mælanlegum árangri á þessum vefjum í bland við hefðbundna vefmiðla. Að lokum er það yfirsýn og þekking á miðlum og markhópum sem gerir útslagið, það ásamt nánu og miklu sambandi við viðskiptavini og auglýsingastofu er lykillinn að góðum árangri. Hjá Ratsjá er enginn kúnni of stór eða lítill, áskorunin liggur í verkunum og árangrinum en ekki stærðinni. Fyrirtækið hefur á undanförnu ári unnið allt frá umfangsmiklum auglýsingaherferðum þvert á alla miðla niður í lítil sérhæfð verkefni á Facebook fyrir einyrkja eða félagasamtök. Við bjóðum því alla áhugasama velkomna, endilega sendið okkur fyrirspurn á ratsja@ratsja.is eða hafið samband í síma 512-4500. Við minnum á að Ratsjá er að finna á Facebook , LinkedIn , Twitter og á sérstakri mobile-síðu.

Superbowl

Úrslitaleikur ameríska fótboltans, Superbowl, er í kvöld. Í venjulegu árferði frumsýna stærstu fyrirtæki Bandaríkjanna nýjar auglýsingar og þykir mörgum ekki síður skemmtilegt að fylgjast með auglýsingahléum í Ofurskálinni en úrslitaleiknum sjálfum. Það er hins vegar fátt vejnulegt við það árferði sem bandarísk fyrirtæki búa við í dag (og þótt víðar væri leitað!) og hafa nokkrir stórir auglýsendur ákveðið að auglýsa ekki í Ofurskálinni þetta árið. Fed Ex og General Motors verða ekki með auglýsingu í útsendingunni í kvöld, en þessi fyrirtæki hafa undanfarin 10 ár verið einna frekust til auglýsingaplássins í Ofurskálinni.
Þá ákvað Miller bjórframleiðandinn að skera verulega niður. Í stað þess að borga 3 milljónir dala (344 milljónir króna) fyrir 30 sekúndna auglýsingu ákváðu stjórnendur Miller að spara með því að birta auglýsingu í Ofurskálinni sem er aðeins 1 sekúnda að lengd:

Miller setti einnig á vefinn fjölmargar örauglýsingar sem ekki náðu því að komast í sjónvarp:

Þó svo margir auglýsendur haldi þétt utan um veskin sín um þessar mundir þá hefur ekki gengið illa að selja í auglýsingahólfin á Superbowl. Það virðist ekki há auglýsingasölunni verulega að sekúnduverðið hefur aldrei verið hærra, eða 3 milljónir dala fyrir 30 sekúndur eins og áður sagði – um miðjan janúar var búið að fylla í yfir 90% af auglýsingatíma úrslitaleiksins.

Auglýsingar í Superbowl 2009 má sjá hér.

Mobile Advertising

Ratsjá hefur frá stofnun kannað markaðinn fyrir mobile auglýsingar. Framboðið hefur verið lítið ef frá eru talin textaskilaboð sem símafyrirtækin bjóða uppá en landslagið er smám saman að breytast. Áhugaverðir vefir Nova og nú nýlega M-ið hjá símanum hafa bætt við auglýsingamöguleikum auk þess sem Mbl hefur átt góða innkomu. Þrátt fyrir gríðarlega farsímaeign Íslendinga og fjölda tækja með góðum skjá og hröðum tengingum virðist vefnotkun Íslendinga í gegnum farsíma ekki haldast í hendur við vefnotkun víða annars staðar. Margt hefur auðvitað áhrif á þetta s.s. verð á þjónustu, almenn tölvueign, stuttur ferðatími o.s.frv. Þetta mynstur virðist vera að breytast, farsímanetnotkun er að aukast og því sjáum við tækifæri í auglýsingum á þessum miðli, bæði vegna formsins en einnig vegna þess að við náum til viðskiptavina þegar þeir eru á ferðinni, ekki endilega á skrifstofunni eða heima.
Nokkur vandamál koma þó upp við svona markaðssetningu eins og t.d. nákvæm árangursmæling því hefðbundin vefgreiningartól virka illa eða ekki í þessum miðli. Við stukkum því til um leið og við fréttum af nýjum mobile vef já.is ( http://m.ja.is ), settum þar inn litla auglýsingu og settum samhliða því upp litla mobile síðu fyrir Ratsjá ( http://m.ratsja.is ) sem í raun og veru er einungis tweet feed frá starfsfólki Ratsjár. Tilgangurinn er fyrst og fremst að prófa ný vefgreiningartæki, kynnast miðlinum betur og þeim hópi sem er virkur notandi. Fyrstu skrefin lofa góðu og við erum að átta okkur betur á mælitækjunum.

Bestu viðskiptabækur ársins 2008

Við erum búin að liggja mikið yfir topplistum síðasta árs. Bækur standa okkur nærri og við reynum að lesa eins mikið og við mögulega getum.

Það kom mikið af frábærum bókum út á síðasta ári. Ég kaupi mest af mínum bókum í gegnum Amazon.co.uk eða Audible en oft notfæri ég mér frábæra síðu 800 CEO Read til að velja mér næsta titil. 800 CEO Read tók saman lista yfir bestu viðskiptabækurnar sem hafa verið gefnar út á árinu. Þeir gerðu auðvitað sinn eigin lista en gerðu svo annan þar sem þeir suðu saman marga lista við sinn eiginn(1, 2, 3, 4, 5, 6).

Til viðbótar tók ég saman topp 10 lista Amazon.com og .co.uk og svo einhverskonar óskalista frá mér. Commentin í sviganum eru frá mér en hlekkir vísa á viðkomandi síður.

Samanlagður topp 10 listi hjá 8CR:

• The Game Changer eftir A. G. Lafley and Ram Charan
  
• A Sense of Urgency eftir John Kotter
  
• The Back of the Napkin eftir Dan Roam
  
• The Adventures of Johnny Bunko eftir Dan Pink, líklega fyrsta viðskiptabókin sem er teiknuð í manga stíl.(Hér er Skemmtilegur trailer um bókina).
  
• Tribes eftir Seth Godin (Mæli með þessari, skemmtileg og góð lesning)
  
• The Age of Heretics eftir Art Kleiner
  
• Buying In eftir Rob Walker.
  
• Crowdsourcing eftir Jeff Howie
  
• The Snowball um Warren Buffett
  

Hjá 8CR er auðvitað ekkert talað um Amazon en hjá Amazon.co.uk er listinn svolítið frábrugðinn þó svo að vissulega séu sömu bækurnar líka á listanum:

• The Snowball: Warren Buffett and the Business of Life skrifuð af Alice Schroeder (Maður þarf greinilega að lesa þessa, er hreinlega á öllum listum ársins).
  
• The Black Swan: The Impact of the Highly Improbable eftir Nassim Nicholas Taleb
  
• When Markets Collide: Investment Strategies for the Age of Global Economic Change eftir Mohamed El-Erian (Mjög umdeild bók þar sem höfundurinn spáir því efnahagshruni sem varð svo raunin)
  
• The New Paradigm for Financial Markets: The Credit Crisis of 2008 and What It Means eftir George Soros
  
• Business Stripped Bare: Adventures of a Global Entrepreneur eftir Sir Richard Branson (Alltaf gaman að lesa Branson, kemur með gott og skemmtilegt sjónarhorn á viðskipti)
  
• The Bottom Billion: Why the Poorest Countries are Failing and What Can be Done About it eftir Paul Collier (Mjög umtöluð bók, spennandi fyrir alla sem hafa áhuga á hagkerfi heimsins og þróunarhagfræði)
  
• Presentation Zen: Simple Ideas on Presentation Design and Delivery (Voices That Matter) eftir Garr Reynolds (frábær náungi og frábær bók, þessi bók á klárlega heima hjá öllum sem einhverntíman þurfa að koma fram)
  
• The Secrets of Success at Work: 10 Steps to Accelerating Your Career eftir Richard Hall
  
• A Sense of Urgency eftir John P Kotter (Prófessor við Harvard sem skrifaði Leading Change og Our Iceberg is Melting, þessi bók er alveg frábær)
  

Ameríska Amazon er nær mínum lista en breska Amazon

• The Snowball: Warren Buffett and the Business of Life eftir Alice Schroeder
  
• A Sense of Urgency eftir John P. Kotter
  
• The Brand Bubble: The Looming Crisis in Brand Value and How to Avoid It eftir John Gerzema (Besta branding bók ársins að mati margra).
  
• The Momentum Effect: How to Ignite Exceptional Growth eftir J.C. Larreche (Bók um markaðskostnað og markaðsbudget frá Warton).
  
• The Back of the Napkin: Solving Problems and Selling Ideas with Pictures eftir Dan Roam (Klárlega ein af skemmtilegri bókum ársins)
  
• The Gone Fishin’ Portfolio: Get Wise, Get Wealthy…and Get on With Your Life (Agora Series) eftir Alexander Green
  
• The Illusions of Entrepreneurship: The Costly Myths That Entrepreneurs, Investors, and Policy Makers Live By eftir Scott A. Shane (Bók fyrir alla frumkvöðla og þá sem koma að frumkvöðla- og nýsköpunarfræðum)
  
• Groundswell: Winning in a World Transformed by Social Technologies eftir Charlene Li (Ég er mjög hrifinn af Charlene Li, mjög áhugaverð bók en svolítil nördalykt af henni)
  
• The Contrarian Effect: Why It Pays (Big) to Take Typical Sales Advice and Do the Opposite eftir Michael Port (Áhugaverð bók fyrir fólk sem kemur að sölu)
  
• Reality Check: The Irreverent Guide to Outsmarting, Outmanaging, and Outmarketing Your Competition eftir Guy Kawasaki (Frábær bloggari og skemmtilegur náungi, skemmtilesning)
  

 

Minn óskalisti er svo eftirfarandi, raðað í stafrófsröð:

The Back of the Napkin: Solving Problems and Selling Ideas with Pictures eftir Dan Roam

 

The Bottom Billion: Why the Poorest Countries are Failing and What Can be Done About it eftir Paul Collier

 

The Brand Bubble: The Looming Crisis in Brand Value and How to Avoid It eftir John Gerzema

 

Groundswell: Winning in a World Transformed by Social Technologies eftir Charlene Li

 

The Illusions of Entrepreneurship: The Costly Myths That Entrepreneurs, Investors, and Policy Makers Live By eftir Scott A. Shane

 

The Momentum Effect: How to Ignite Exceptional Growth eftir J.C. Larreche

 

Outliers: The Story of Success eftir Malcolm Gladwell

 

Presentation Zen: Simple Ideas on Presentation Design and Delivery (Voices That Matter) eftir Garr Reynolds

 

A Sense of Urgency eftir John P Kotter

 

The Snowball: Warren Buffett and the Business of Life skrifuð af Alice Schroeder.

 

Tribes eftir Seth Godin

 

Reality Check: The Irreverent Guide to Outsmarting, Outmanaging, and Outmarketing Your Competition eftir Guy Kawasaki

 

 

Því miður er nær ekkert til af þessum bókum á bókasöfnum landsins en eitthvað af þessum bókum fást í Skuld, frábærri bókabúð á Laugavegi.

Meira af listum

Bandaríkjamenn mæla allar markaðshreyfingar í bak og fyrir og eru fyrir vikið með á hreinu hvaða auglýsingar skila auglýsandanum arði og hverjar ekki, hvað hver auglýsandi eyðir miklum fjármunum í auglýsingar, hvaða auglýsingar falla best í kramið hjá áhorfendum o.s.frv.
Hollensk / bandaríska markaðsgreiningarfyrirtækið Nielsen gaf nýlega út tölur um ýmislegt er viðkemur markaðsmálum í Bandaríkjunum. Þar kemur í ljós að Proctor & Gamble og dótturfyrirtæki eyddu nálægt 2,4 milljörðum bandaríkjadala í auglýsingar á 10 fyrstu mánuðum ársins, sem gerir nálægt 300 milljarða ISK á gengi dagsins í dag – reiknað er með að tekjur ríkissjóðs á næsta ári verði um 400 milljarðar ISK. Af vörumerkjum P&G má nefna Ariel, Duracell, Gillette, Pampers, Wella, Pringles og Always. Bílaframleiðandinn General Motors eyddi næst mest í auglýsingar eða rúma $1,4 milljarða og fjarskiptafyrirtækið AT&T er í þriðja sæti með $1,3 milljarða.

Þá hefur Nielsen einnig komist að því hvaða auglýsingar það voru sem bandarískum sjónvarpsáhorfendum líkaði best við á árinu 2008. Auglýsing bandarísku NFL deildarinnar er þar í efsta sæti skv. mælingum Nielsen en í henni lýsir ruðningskappinn Ephraim Salaam hvernig Chester Pitts, áður pokadýr í stórmarkaði, varð leikmaður í NFL deildinni:

Budweiser hefur gert margar vinsælar auglýsingar í gegnum tíðina og í tengslum við úrslitaleik NFL deildarinnar ár hvert, Superbowl, frumsýnir bjórframleiðandinn nýja auglýsingu og yfirleitt fleiri en eina. Ein af auglýsingum Budweiser hitti í mark hjá bandarískum sjónvarpsáhorfendum þetta árið en samkvæmt mælingum Nielsen er þetta önnur vinsælasta sjónvarpsauglýsingin árið 2008 í USA:

Það er fátt sem er Nielsen óviðkomandi þegar kemur að greiningu á auglýsinga- og markaðsmálum, til að mynda hefur fyrirtækið fundið það út að sjónvarpsþátturinn The Biggest Looser er eitt stórt auglýsingapláss að því leyti að frá janúar og fram í lok nóvember brá innsettum vörum og vörumerkjum (product placement) 6.248 sinnum fyrir í þáttum ársins. Það er nokkuð vel af sér vikið því sá þáttur sem hýsti næst flestar innsetningar á vörum og vörumerkjum á árinu sem er að líða, American Idol, sýndi sitt spons “aðeins” 4.363 sinnum.

Annars er tölfræðinördum um fjölmiðlun bent á þessa skýrslu frá Nielsen.

Sjónvarpsauglýsingar ársins

Í lok hvers árs er vinsælt að taka saman lista yfir hitt og þetta ársins sem er að líða. Á hverju ári birtir bandaríska tímarið Time top 10 lista yfir allt á milli himins og jarðar, þar á meðal lista yfir 10 bestu sjónvarpsauglýsingar ársins að mati blaðsins. Besta auglýsingin sem birtist í bandarísku sjónvarpi árið 2008 að mati Time er auglýsing frá fjarskiptafyrirtækinuj T-mobile þar sem NBA körfuboltastjörnurnar Charles Barkley og Dwyane Wade eru í aðalhlutverkum:

Veftímaritið Adfreak.com hefur líka tekið saman lista yfir 32 fríkuðustu auglýsingar ársins, ef svo má segja, og býður lesendum sínum að kjósa á milli hver þeirra sé sú fríkaðasta. Er um að ræða prent, sjónvarpsauglýsingar og viral efni. Til að mynda er tilnefnd heimasíða þar sem gaur sem kallar sig Ross sýnir hvernig á að kyssa rétt. Auglýsandinn er Converse. Þá er hér ein ansi fríkuð og skemmtileg auglýsing þar sem verið er að auglýsa hinn heimsfræga söngleik, EVIL DEAD, THE MUSICAL:

Og talandi um viral efni, þá tekur Time auðvitað líka til 10 bestu viral myndböndin á árinu sem fer senn að ljúka. Eitt það kostulegasta er það sem blaðið velur í 6. sæti en það er skopstæling á Mario Bros tölvuleiknum. Sá sem á sök á djókinu er Seth MacFarlane sá sem skóp framhaldsþáttinn Family Guy og allt er þetta í boði Burger King:

Hægt er að sjá fleiri video á þúskjárkanal Burger King.